Дзень беларускага пісьменства«Не знікне цуд прыгожага пісьменства»
Дзень беларускага пісьменства — нацыянальнае свята, яно штогод адзначаецца ў першую нядзелю верасня.
Кніга — геніяльнае адкрыццё чалавецтва, менавіта ў кнігах адлюстроўваецца гісторыя народа, яго слаўныя справы.
У рамках Дня беларускага пісьменства другога верасня ў 8 «Б» класе прайшло віртуальнае падарожжа «Не знікне цуд прыгожага пісьменства». Падчас мерапрыемства вучні пазнаёміліся з гісторыяй святкавання Дня беларускага пісьменства і друку. Пачынаючы з 1998 г. гэта свята праводзіцца ў беларускіх гарадах, якія з’яўляюцца гістарычнымі цэнтрамі культуры, навукі, літаратуры і кнігадрукавання. У ходзе вандроўкі ішла размова пра сусветна вядомага першадрукара і вучонага, асветніка і гуманіста, паэта і медыка, батаніка і астранома Ф. Скарыну. Не абмінулі ўвагай і беларускіх мысліцеляў, якія адыгралі значную ролю ў развіцці асветніцкіх ідэалаў: К. Тураўскага, Е. Полацкую, С. Буднага, М. Гусоўскага і іншых. На прыканцы мерапрыемства была праведзена віктарына, падчас якой вучні замацавалі атрыманую інфармацыю.
