QR-квэст «Я люблю Беларусь»
QR-квэст «Я люблю Беларусь»
Завяршыў Тыдзень беларускай мовы і літаратуры шосты дзень. Для вучняў VІІІ- ХІ класаў быў прапанаваны QR-квэст «Я люблю Беларусь».
Вучні падзяліліся на тры групы па некалькі чалавек у кожнай. Кожная станцыя – новы прыпынак у падарожжы вучняў. Станцый было восем: «Карэктар», «Шыфравальшчык», «Краявед», «Літаратар», «Чацвёртае лішняе», «Пазл», «Кінааматары», «Перакладчык». На кожнай станцыі вучні павінны былі выканаць разнастайныя заданні, якія былі зашыфраваны з дапамогай QR-кодаў: выправіць памылкі ў сказах; расшыфраваць беларускую народную прыказку, карыстаючыся алфавітам; расставіць правільна літары ў словах і адгадаць назвы беларускіх гарадоў; пазнаць вершаваны твор; пазнаць беларускі фільм па апісанні і іншыя.
Задача каманды – выканаць усе заданні і расказаць пасля пра сваё падарожжа, выкарастаўшы адказы з маршрутнага ліста.
