Тыдзень беларускай мовы і літаратуры.Беларусь гасцінная
Пяты дзень пад дэвізам «Беларусь гасцінная» распачало незвычайнае мерапрыемства «Пісьмо да Цёткі з ХХІ стагоддзя». Ролік быў зняты вучнямі і прыняў удзел у грамадска-літаратурнай акцыі «Лісты да Цёткі з ХХІ стагоддзя», аб’яўленай Гродзенскім абласным аб’яднаннем «Саюз пісьменнікаў Беларусі». Прагляд і абмеркаванне відэароліка вучнямі ІХ «Б» класа меў мэту папулярызаваць творчасць беларускай паэткі
Лінгвістычны спрынт «Таямніцы роднай мовы», праведзены ў VІІІ «Б» класе, быў насычаны разнастайнымі заданнямі, якія дазволілі ўбачыць сапраўдную цікавасць вучняў да мовы і літаратуры сваёй краіны, садзейнічалі развіццю кемлівасці, памяці і пашырэнню кругагляду. Яркасць і запамінальнасць мерапрыемству прыдалі прэзентацыі, відэаролік, запісы песень, QR-коды, «воблакі слоў», што вельмі блізка сучаснаму пакаленню і актуальна для яго.
Завяршыў тыдзень шосты дзень. З улікам узроставых катэгорый мерапрыемствы былі праведзены асобна для вучняў сярэдняга звяна і для вучняў старэйшых класаў. V- VІІ класы прынялі актыўны ўдзел у інтэлектуальнай гульні «Родная мова – цудоўная мова». Для вучняў VІІІ- ХІ класаў быў прапанаваны QR-квэст «Я люблю Беларусь».
